مطيرجي وديصارح حاتة رومانسية

الموضوع هذا مبين مطيرجي وديصارح حاتة رومانسية واستلم التحشيش مالتة لاكف للستار
يعني توقعو واحد امي(امي لو أبوي) هههههههههههههههه
ديصارح صاحبته:
حبوبتي..ترى أني ما اعرف هلكداحجي الحبيات..
فما اعرف احجي بالحب وما اعرف شلون ابعررلج(عود اعبرلج) عن شعوري من صدك ها..
وشوفي وج لو تبحوشين المحلة كلها مراح تلكين واحد منعول أبوه وطايح صبغة يحبج مثلي..
لان صورتج مجعوصة وي قلبي جعص..
ما اكدر أنساج ولج أنتي منين اجيتيني..
من يالوفة ..من يادربونة..
اشو من شفتج انكفخت على عيني...
واني جان كل همي حماماتي..
ودومي معلك بالبرج وياهن..
وهسة من اشوف الاشعل والمكعكل (طبعا هاي نوع من الحمامات) اتذكرج..
(شنو وجه الشبه..ما ادري..الواحد يشبة حبيبته بغزال هذا يشبهها بالمكعكل..يمكن شعرها دوم منفوش وكوشة)وهسة ..بعد أن بعررتلج عن شعوري..
تعاي وج كليلي تحبيني لو ما تحبيني؟؟
ردت علية أم كوشة..اقصد صاحبتة:.
أنت نور عيني وحب حياتي...
كللها:اهوووووووووووووووو
ضلت تحجيلي بالعنكريزي(عود الإنكليزي)...هااااااااااا ولج تحبين نور علية..؟؟
يا نور هذا..من ياجيحة طلعلي من يا زبالة...
أنوب نور ..دروحي يابة عن خلقتي هسة لا أسوي وجهج شوارع العتب علية صارحتج..
أروح لحماماتي احسنلي