من سجن السجن جبت العمر يعراق
وعلي بكل وكت متسلطة كفارك
لسواد عيون شعبك ما اجاك انسان
اجت كلهة لسواد عيون ابارك
بسك ياوطن لاتشعل الهم نار
غموك العرب وادفو بنارك
ما باسوك اخوتك وانته خد الكاع
ودمعتين اعله طولك يجرن انهارك
ذلتنه الدول ردينة مكسورين
بس انته الغريب مدلل بدارك
مثل حاتم جنت تذبح الفرس للظيف
بس شعرة فرس مايسوة خطارك
يجدي الماي زرعك وانته ذو نهرين
خلصت العمر تزكي بزرع جارك
زرع جارك عله وما مدعليك افياي
بس مد ارظته وعبرهة لسوارك
![Crying or Very sad](https://2img.net/i/fa/i/smiles/icon_cry.gif)
مو امريكا ثارك لاولا صدام
كون من العرب ناخذك بثارك
من جف اليسلم خدي ظل يخاف
من كد ما بجة من اجفوف خطارك
وعذرتك يا وطن لن اني طيب ذات
ولو غيري وعلي مايقبل اعذارك
لو اشرف شعب بلدنية عايش بيك
جان جملة بمزاد نباعت ديارك
بس احنة انظلمنة ومتنه جوع
وبعنه اهدومنه وما بعنة زنجارك